على هامش التعديلات الدستورية
منذ أربعة أيام طالعنا موقع مصراوى بعنوان يقول ( القوى الوطنية بالإسكندرية تطالب المواطنين برفض التعديلات الدستورية )
وكان تعليقى فى موقع مصراوى
وكان تعليقى فى موقع مصراوى
عاوز أعرف يعنى أيه قوى وطنية ؟
دول ناس غيرنا ولا شكلهم عامل ازاى
يعنى دول مصريين زينا ولا ناس تانيين مالهمش ملة ولا وطن ولا دين
مين اللى أعطاهم الحق يتكلموا بأسم المصريين
طيب أنا من اسكندرية وما شفتش أى بنى أدم متنطع من دول أثناء الثورة
ولا دول اللى بيحاربوا ويثورا من وراء الميكرفونات وأمام كاميرات الفضائيات وبس وبعدين ينقضوا على المكاسب
وكمان بالمرة أضف للقائمة القذرة ناشط حقوقى وكمان خبير استراتيجى وكل اللى ما لوش مهنة غير الكلام والعمالة وتقبيل أقدام الغرب يسمى نفسه ناشط حقوقى
وكل من كان شاويش فى الجيش من عصر محمد على يقولك أنا خبير استراتيجى
وكل واحد ركب على الثورة يقولك أنا أئتلاف الثورة وكنت متواجد منذ الدقيقة الأولى وكنت موجود فى ميدان التحرير قبل الثورة بيوم علشان أحجز مكان
حتى البرادعى اللى كان فى فيينا وقت ما كانت الناس تواجه القتل أثناء بداية الثورة وبعدين لما اطمئن إن العملية تمام راح راكب أول طيارة وهبط على التحرير وبعض الأغبياء بيسموه الأب الروحى للثورة حقيقى هو الأب الروحى لكن مش للثورة والحدق يفهم
البلد رايحة فى داهية والثورة انقض عليها ناس ملهاش دعوة خالص لا بالثورة ولا بالوطنية والكل بينادى على الحاجة اللى هو عايزها وبس .
يا عالم يا أغبياء لازم نشوف صح ، البلد بقت خراب عندنا إسكندرية متبهدلة وفى الأسبوع اللى فات 36 حالة اغتصاب وصلت المستشفيات ودى الحالات اللى راحت المستشفيات علشان سوء الحالة وما خفى كان أكثر وأعظم هولاً .
وبعدين اسكندرية كلها هتقول نعم نكاية فى البرادعى اللى عايز يغير المادة الثانية ويغير شرط الجنسية اللى هو حاصل عليها وهتثبت الأيام ده .
وكمان عايز يعمل كوتة للشواذ بدافع الحرية الشخصية وصداقته لأحد الممثلين الشواذ وكمان كوته لكل الطوائف .
هنقول نعم علشان الأحزاب الورق اللى كانت تتمسح فى النظام البائد وتقبل الأرض من أقدام المسئولين ليلقوا لهم بالفتات أصبحت الآن أبطال وأسود واعتلوا المنصة لكن ده بعدهم
أحنا عايزين الحالة الخراب اللى أحنا فيها دى تنتهى وكمان عايزين وجوه جديدة وطنية بمعنى الكلمة لا البرادعى ولا عمرو موسى ولا شفيق ولا زويل ولا البسطويسى ولا أى بنى أدم عمل مع النظام السابق بأى صورة
يا عالم مفيش شرفاء فى مصر
كل مصر بقت الانهازيين وبس
ده حتى فيه بنى أدم غبى كان عضو فى لجنة السياسات بتاعة المحروس الوريث ولما طلعوه أوت من رئاسة تحرير إحدى الصحف التى كان يطمع فى رئاسة تحريرها زعل وقال مش لاعب معاكوا وعمل لوحده حزب ودلوقتى بيطالب بحتة من التورتة
الله يخرب بيوتهم كلهم بداية من البراعى وكفاية و6 أبريل مروراً بالوفد والغد والتجمع وكل الانتهازيين اللى متواجدين على الساحة
1 تعليقات:
قوى سياسية تدعو للتظاهر الجمعة رفضًا للتعديلات الدستورية
بعد إعلان نتيجة الاستفتاء اليوم من قبل اللجنة القضائية العليا المشرفة على الاستفتاء الشعبي على التعديلات الدستورية،
دعت الجمعية الوطنية للتغيير والبرلمان الشعبي وجبهة دعم الثورة الاحد جموع الشعب المصري بكل أطيافه إلى التظاهر يوم الجمعة القادم في الميادين العامة وفي مقدمتها ميدان التحرير لإعلان رفض تعديلات بعض مواد الدستور القديم ( دستور 1971 )، مشيرين إلى أن هذه التعديلات التي أجرتها اللجنة القانونية تحمل في طياتها كثيرا مما يفسد بعض ايجابياتها.
الآن ظهر واضحاً وجلياً أن هذه الجمعيات والحركات لا تعرف معنى الديمقراطية ولا يمكن لها أن تقبل إلا برأيها الذى تريد أن تفرضه على الناس وهذا هو المنتظر فى رأيى أن هذه الجمعيات والحركات الغبية لا تستطيع أن تساير ركب الديمقراطية واحترام الرأى والرأى الآخر وأنها جمعيات أُسست على الكذب والخداع وأن الذين يقومون على إدارتها مهما كانت أسماؤهم ما هم إلا مجموعة من الانتهازيين ومدعى الثقافة والحرية ويريدون أن يصادروا فكر الآخرين وحرياتهم التى اكتسبها الجميع بفضل ثورة الشعب والثورة المصرية ليست ثورة فلان ولا علان ولا إى مجموعة أو حركة أو جماعة هى ثورة شعب بأكمله ولن نسمح لمجموعة من بلطجية الفكر ومصادرى الحريات أن تتحكم فى الناس وترجع بهم إلى الخلف بأى حجة ، المفروض أن يكون اكتمل نضج الشعب وأصبح يميز بين الغث والثمين وعلى هذه المجموعة من الانتهازيين أن يعلموا ذلك ولن يطول بقاءهم على الساحة .
إرسال تعليق
الاشتراك في تعليقات الرسالة [Atom]
<< الصفحة الرئيسية